ന്യൂയോര്‍ക്ക്: റോഹിംഗ്യന്‍ വിഷയത്തില്‍ മ്യാന്‍മറിനുമേല്‍ കൂടുതല്‍ സമ്മര്‍ദവുമായി യു.എന്‍ രക്ഷാസമിതി. റാഖൈന്‍ പ്രദേശങ്ങളിലെ മ്യാന്‍മര്‍ സേനയുടെ ഇടപെടല്‍ അവസാനിപ്പിക്കണമെന്നും രാജ്യം വിട്ടുപോയ റോഹിംഗ്യകള്‍ക്ക് മടങ്ങിവരാനുള്ള സാഹചര്യം ഒരുക്കണമെന്നും രക്ഷാസമിതി ആവശ്യപ്പെട്ടു. ആക്രമണമുണ്ടായ പ്രദേശങ്ങളിലേക്ക് സഹായവുമായി എത്തുന്നവരെ തടയരുതെന്നും ആവശ്യപ്പെട്ടിട്ടുണ്ട്. ഓഗസ്റ്റില്‍ ആരംഭിച്ച ആക്രമണങ്ങളെതുടര്‍ന്ന് ഇതുവരെ 600,000 റോഹിംഗ്യകള്‍ മ്യാന്‍മറില്‍നിന്ന് പലായം ചെയ്തിട്ടുണ്ട്.