തൃക്കരിപ്പൂര്‍: സുന്നിമഹല്ല് ഫെഡറേഷന്‍ സംസ്ഥാന കമ്മിറ്റിയുടെ നേതൃത്വത്തില്‍ 2018 ഏപ്രില്‍ മാസത്തില്‍ കാസര്‍കോട് ജില്ലയിലെ തൃക്കരിപ്പൂര്‍ കൈതക്കാട് വച്ച് സംഘടിപ്പിക്കുന്ന മഹല്ല് പ്രവര്‍ത്തന ദൃശ്യാവിഷ്‌കാരം ലൈറ്റ് ഓഫ് മദീനയുടെ ലോഗോ പ്രകാശനം ചെയ്തു.
സ്വാഗത സംഘം ട്രഷറര്‍ മെട്രോ മുഹമ്മദ് ഹാജി പ്രകാശനം നിര്‍വഹിച്ചു. എസ്.എം.എഫ് ജില്ലാ പ്രസിഡന്റ് ചെര്‍ക്കളം അബ്ദുല്ല, സയ്യിദ് ടി.കെ പൂക്കോയതങ്ങള്‍ ചന്തേര, കെ.എം ശംസുദ്ദീന്‍ ഹാജി, സി.ടി അബ്ദുല്‍ ഖാദര്‍, കൂളിക്കാടന്‍ കുഞ്ഞബ്ദുല്ല ഹാജി, എ. ഹമീദ് ഹാജി, ബി.എസ് ഇബ്‌റാഹിം, എം.സി ഇബ്‌റാഹിം ഹാജി എന്നിവര്‍ സംബന്ധിച്ചു. ശഫീഖ് ഹുദവി ചേലേമ്പ്രയാണ് ലൈറ്റ് ഓഫ് മദീനയുടെ ലോഗോ രൂപകല്‍പന ചെയ്തത്.