ആര്യനാട്: വേറിട്ട പദ്ധതി നിര്‍ദേശങ്ങളുമായി ആര്യനാട് ഗ്രാമപഞ്ചായത്തിന്റെ വികസന സെമിനാര്‍. സമ്പൂര്‍ണ ജൈവ പച്ചക്കറി വികസന പദ്ധതികള്‍, സമ്പൂര്‍ണ കുടുംബശ്രീ പദ്ധതി, ബാലസഭാ രൂപീകരണ പ്രവര്‍ത്തനങ്ങള്‍, മുഴുവന്‍ പ്രൈമറി സ്‌കൂളുകളിലും അടിസ്ഥാന സൗകര്യ വികസനം, ഭിന്നശേഷിക്കാരുടെ ക്ഷേമത്തിനായി ബഡ്‌സ് സ്‌കൂള്‍, യുവാക്കളുടെ ക്ഷേമത്തിനായുള്ള പദ്ധതികള്‍ തുടങ്ങിയ നിരവധി പദ്ധതികളാണ് വികസന സെമിനാറില്‍ അവതരിപ്പിച്ചത്.
വാര്‍ഷിക പദ്ധതിയായി നടപ്പാക്കലാണ് ലക്ഷ്യമെന്ന് ഗ്രാമപഞ്ചായത്ത് പ്രസിഡന്റ് ഷാമിലാ ബീഗം അറിയിച്ചു. പ്രസിഡന്റ് ഷാമിലാ ബീഗത്തിന്റെ അധ്യക്ഷതയില്‍ ചേര്‍ന്ന യോഗത്തില്‍ കെ.എസ് ശബരീനാഥന്‍ എം.എല്‍.എ സെമിനാര്‍ ഉദ്ഘാടനം ചെയ്തു. വെള്ളനാട് ബ്ലോക്ക് പഞ്ചായത്ത് പ്രസിഡന്റ് എസ്.എസ് അജിതകുമാരി, ജില്ലാ പഞ്ചായത്തംഗം വി. വിജുമോഹന്‍, ബ്ലോക്ക് പഞ്ചായത്തംഗങ്ങളായ പ്രസന്നകുമാരി, മിനി, പഞ്ചായത്ത് വൈസ് പ്രസിഡന്റ് വി. പ്രദീപ് കുമാര്‍, പഞ്ചായത്തംഗങ്ങളായ അജിത, എസ്. അനില്‍കുമാര്‍, എസ്. ഗിരിജ സംസാരിച്ചു.
കല്ലറ: ഗ്രാമപഞ്ചായത്ത് 2016- 17 വര്‍ഷത്തെ വികസന സെമിനാര്‍ സംഘടിപ്പിച്ചു. ഡി.കെ മുരളി എം.എല്‍.എ ഉദ്ഘടാനം ചെയ്തു. വികസനരേഖ പ്രകാശനം ജില്ലാ പഞ്ചായത്ത് വൈസ് പ്രസിഡന്റ് അഡ്വ ഷൈലജ ബീഗം നിര്‍വഹിച്ചു. പഞ്ചായത്ത് പ്രസിഡന്റ് കെ. ശാന്തകുമാര്‍ അധ്യക്ഷനായി.
പുവാര്‍: തിരുപുറം ഗ്രാമപഞ്ചായത്തിന്റെ 2016-17 വാര്‍ഷിക പദ്ധതി രൂപീകരണവുമായി ബന്ധപ്പെട്ട വികസന സെമിനാര്‍ വൈസ് പ്രസിഡന്റ് എം. മേഴ്‌സിയുടെ അധ്യക്ഷതയില്‍ പഞ്ചായത്ത് പ്രസിഡന്റ് എല്‍. ക്രിസ്തുദാസ് ഉദ്ഘാടനം ചെയ്തു. ബ്ലോക്ക് ക്ഷേമകാര്യ സ്റ്റാന്റിങ് കമ്മിറ്റി ചെയര്‍മാന്‍
മോഹന്‍ദാസ്, തിരുപുറം ഗ്രാമപഞ്ചായത്ത് ക്ഷേമകാര്യ സ്റ്റാന്റിങ് ചെയര്‍ പേഴ്‌സണ്‍ പങ്കെടുത്തു.