കൊച്ചി: ഐ.ഡി.ബി.ഐ ഫെഡറല്‍ സ്‌പൈസ് കോസ്റ്റ് മാരത്തോണ്‍ ഞായറാഴ്ച കൊച്ചിയില്‍ നടക്കും. 4000 ത്തില്‍ അധികം പേര്‍ പങ്കെടുക്കുന്ന മാരത്തോണ്‍ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ ഫ്ലാഗ് ഒാഫ് ചെയ്യും. മൂന്ന് വിഭാഗങ്ങളിലായി നടക്കുന്ന സ്‌പൈസ് കോസ്റ്റ് മാരത്തോണ്‍ വില്ലിങ്ങ്ടണ്‍ അയലന്റിലെ കെ.കെ പ്രേമചന്ദ്രന്‍ സ്‌പോര്‍ട്‌സ് കോപ്ലെക്‌സില്‍ നിന്ന് ആരംഭിക്കം.

42 കിലോ മീറ്റര്‍ ദൈര്‍ഘ്യമുള്ള ഫുള്‍ മാരത്തോണ്‍ രാവിലെ 4 മണിക്കും 21.1 കിലോ മീറ്റര്‍ ദൈര്‍ഘ്യമുള്ള ഹാഫ് മാരത്തോണ്‍ രാവിലെ 5 മണിക്കും 8 കിലോ മീറ്റര്‍ ദൈര്‍ഘ്യമുള്ള ഫാമിലി റണ്‍ രാവിലെ 7 മണിക്കും ആരംഭിക്കും.

42 കിലോ മീറ്റര്‍ ദൈര്‍ഘ്യമുള്ള ഫുള്‍ മാരത്തോണ്‍ വില്ലിങ്ങ്ടണ്‍ അയലന്റില്‍ നിന്ന് മട്ടാഞ്ചേരി പാലം വഴി തോപ്പുംപടി, വെളി ഗ്രൗണ്ട്, പരേഡ് ഗ്രൗണ്ട്, വെണ്ടുരുത്തിപാലം, തേവര റോഡ്, ദര്‍ബാര്‍ ഹാള്‍ റോഡ്, തേവര വഴി തിരിച്ച് വില്ലിങ്ങ്ടണ്‍ അയലന്റില്‍ എത്തി ചേരും. 21.1 കിലോ മീറ്റര്‍ ദൈര്‍ഘ്യമുള്ള ഹാഫ് മാരത്തോണ്‍ വില്ലിങ്ങ്ടണ്‍ അയലന്റില്‍ നിന്ന് വെണ്ടുരുത്തിപാലം, റോഡ്, ദര്‍ബാര്‍ ഹാള്‍ റോഡ്, തേവര വഴി തിരിച്ച് വില്ലിങ്ങ്ടണ്‍ അയലന്റില്‍ എത്തി ചേരും.സോള്‍സ് ഓഫ് കൊച്ചിന്‍, കൊച്ചി നഗരസഭ, കെ.എം.ആര്‍.എല്‍, ഡി.ടി.പി.സി എന്നിവരുടെ സഹകരണത്തോടെ സംഘടിപ്പിക്കുന്ന മാരത്തോണിന്റെ മുഖ്യ പ്രായോജകര്‍ ഐ.ഡി.ബി.ഐ ഫെഡറല്‍ ലൈഫ് ഇന്‍ഷുറന്‍സാണ്.