ബ്രസല്‍സ്: പാകിസ്താനില്‍ തീവ്രവാദം ഇല്ലാതാക്കാന്‍ നാറ്റോ രാഷ്ട്രങ്ങള്‍ ശ്രമിക്കുമെന്ന് യു.എസ് പ്രതിരോധ സെക്രട്ടറി ജിം മാറ്റിസ്.
അഫ്ഗാനിസ്ഥാനിലും പാകിസ്താനിലും തീവ്രവാദികളുടെ സാന്നിധ്യം അവസാനിപ്പിക്കുകയെന്നുള്ളത് യു.എസിന്റെ തെക്കന്‍ ഏഷ്യയിലെ നയതന്ത്ര സമീപനമാണെന്നും അദ്ദേഹം പറഞ്ഞു.
ബ്രസല്‍സിലെ നാറ്റോ കേന്ദ്രത്തില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

ബ്രെക്‌സിറ്റ് ബില്‍ രണ്ടാഴ്ചക്കകം ബ്രിട്ടന്‍ അംഗീകരിക്കണം: യൂറോപ്യന്‍ യൂനിയന്‍

ബ്രസല്‍സ്: ബ്രക്‌സിറ്റ് സംബന്ധിച്ചുള്ള വിഷയത്തില്‍ രണ്ടാഴ്ചക്കകം തീരുമാനമെടുക്കണമെന്ന് ബ്രി ട്ടന് യൂറോപ്യന്‍ യൂനിയന്റെ മുന്നറിയിപ്പ്. രണ്ടാഴ്ചക്കകം ബ്രക്‌സിറ്റ് ബില്ലില്‍ തീരുമാനത്തില്‍ എത്തിയില്ലെങ്കില്‍ വ്യാപാര ചര്‍ച്ചകള്‍ ഈ വര്‍ഷം നടക്കില്ലെന്നും യൂറോപ്യന്‍ കമ്മിഷന്‍സ് ചീഫ് നെഗോഷ്യേറ്റര്‍ മൈക്കള്‍ ബേണിയര്‍ പറഞ്ഞു.
ഐറിഷ് അതിര്‍ത്തി പൗരന്മാരുടെ അവകാശം, ബ്രെക്‌സിറ്റ് ബില്‍ എന്നിവ സംബന്ധിച്ച് ബ്രെക്‌സിറ്റ് സെക്രട്ടറി ഡെവിഡ് ഡെവിസുമായി നടത്തിയ ചര്‍ച്ചക്കു ശേഷം സംസാരിക്കുകയായിരുന്നു അദ്ദേഹം.