കോട്ടക്കല്‍: പക്ഷിനിരീക്ഷണത്തില്‍ മാതൃകയായി ക്ലാരി എം.എസ്.പിക്ക് വാളക്കുളം ഹൈസ്‌കൂളിന്റെ ഗ്രീന്‍ പാലിയേറ്റീവ് പുരസ്‌കാരം. നൂറുക്കണക്കിന് ദേശാടന പക്ഷികള്‍ക്ക് ആവാസമൊരുക്കിയ എം.എസ്.പിയുടെ സേവനത്തിനാണ് സ്‌കൂളിലെ ദേശീയ ഹരിതസേന ആദരം നല്‍കിയത്. ദേശാടന പക്ഷിയായ നീര്‍ക്കാക്കയുടെ സംരക്ഷണത്തിനായി ഇവിടെ മുഖ്യപ്രവേശന കവാടം മാറ്റിസ്ഥാപിച്ചു മാതൃകയായിരുന്നു. 28 ഏക്കറിലധികം വിസ്തീര്‍ണമുള്ള ക്യാംപിനകത്ത് ധാരാളം ജീവജാലങ്ങള്‍ക്ക് ആവാസമൊരുക്കുന്നതിലും പ്രത്യേകം ശ്രദ്ധിക്കുന്നുണ്ട്. ദേശീയപക്ഷി നിരീക്ഷണത്തിന്റെ ഭാഗമായി നടന്ന ചടങ്ങില്‍ എം.എസ്.പി അസി. കമാണ്ടന്റ് ടി ശ്രീറാം വിദ്യാര്‍ഥികളില്‍നിന്ന് പുരസ്‌കാരം ഏറ്റുവാങ്ങി. സി.ഐ ദേവസ്യ എന്‍.കെ, പ്രധാനാധ്യാപകന്‍ പി.കെ മുഹമ്മദ് ബഷീര്‍ ഇദ്‌രീസ് എ, ഷാനിയാസ് കെ.പി, ആത്തിഫ് ഇ.കെ, ടി മുഹമ്മദ്, ആയിഷ സുറുമി സംസാരിച്ചു.