തളിപ്പറമ്പ്: ആള്‍ കേരള ഫോട്ടോഗ്രാഫേഴ്‌സ് അസോസിയേഷന്‍ ജില്ലാ സമ്മേളനം 14, 15 തിയതികളില്‍ തളിപ്പറമ്പില്‍ നടക്കും. ഫോട്ടോഗ്രാഫി തൊഴില്‍ സംരക്ഷണത്തിനുളള കര്‍മ പദ്ധതികള്‍ക്കാണ് മുന്‍തൂക്കം നല്‍കുക. 14ന് രാവിലെ 9.30ന് തളിപ്പറമ്പ് ടൗണ്‍ സ്‌ക്വയറില്‍ ഫോട്ടോ പ്രദര്‍ശനം നഗരസഭ ചെയര്‍മാന്‍ അളളാംകുളം മഹമ്മൂദ് ഉദ്ഘാടനം ചെയ്യും. രാജാസ് കണ്‍വന്‍ഷന്‍ സെന്ററില്‍ രാവിലെ 10ന് ട്രേഡ് ഫെയര്‍ തളിപ്പറമ്പ് ബ്ലോക്ക് പഞ്ചായത്ത് പ്രസിഡന്റ് ടി. ലത ഉദ്ഘാടനം ചെയ്യും. തുടര്‍ന്ന് പ്രകടനവും വൈകുന്നേരം പൊതുസമ്മേളനവും. മന്ത്രി കടന്നപ്പളളി രാമചന്ദ്രന്‍ ഉദ്ഘാടനം ചെയ്യും. 15ന് പ്രതിനിധി സമ്മേളനം. വാര്‍ത്താസമ്മേളനത്തില്‍ കെ.വി ദിലീഷ് കുമാര്‍, എസ്. ഷിബുരാജ്, പി.വി അനില്‍കുമാര്‍, കെ. വിനോദന്‍, ശശികുമാര്‍ പട്ടുവം, രഞ്ജിത്ത് നെല്ലിയോട്ട് പങ്കെടുത്തു.