തൃശൂര്‍:ഗുരുവായൂരില്‍ ആര്‍.എസ്.എസ് പ്രവര്‍ത്തകന്‍ വെട്ടേറ്റുമരിച്ചതില്‍ പ്രതിഷേധിച്ച് ഗുരുവായൂര്‍, മണലൂര്‍ മണ്ഡലങ്ങളില്‍ ബി.ജെ.പി ഹര്‍ത്താലിന് ആഹ്വാനം ചെയ്തു. രാവിലെ ആറു മുതല്‍ വൈകീട്ട് ആറുവരെയാണ് ഹര്‍ത്താല്‍.

സി.പി.എം പ്രവര്‍ത്തകന്‍ കാസിമിനെ കൊലപ്പെടുത്തിയ കേസിലെ രണ്ടാം പ്രതിയായ നെന്മിനി സ്വദേശിയായ ആനന്ദ് ആണ് ഇന്ന് ഉച്ചയോടെ വെട്ടേറ്റു മരിച്ചത്. കാറിലെത്തിയ സംഘം ആനന്ദിനെ ആക്രമിക്കുകയായിരുന്നു.