ദോഹ: കരിയറിലെ 17ാം ലോക കിരീടം സ്വന്തമാക്കി ഇന്ത്യയുടെ ബില്ല്യാര്‍ഡ്‌സ് താരം പങ്കജ് അദ്വാനി. ഐ.ബി.എസ്.എഫ് ലോക ബില്ല്യാര്‍ഡ്‌സ് ചാംപ്യന്‍ഷിപ്പില്‍ ഇംഗ്ലണ്ടിന്റെ മൈക് റസ്സല്ലിനെ പരാജയപ്പെടുത്തിയാണ് അദ്വാനി നേട്ടം സ്വന്തമാക്കിയത്. 150 പോയിന്റ് വിഭാഗത്തില്‍ അരങ്ങേറിയ ലോക പോരാട്ടത്തില്‍ കഴിഞ്ഞ തവണയും കിരീടം നേടിയ അദ്വാനി ഇത്തവണയും നേട്ടം ആവര്‍ത്തിച്ച് ചാംപ്യന്‍ പട്ടം നിലനിര്‍ത്തി. എട്ടില്‍ ആറ് സെറ്റുകളും വിജയിച്ച് 6-2നാണ് അദ്വാനി വിജയം പിടിച്ചത്.