മനാമ: ഹൃദയാഘാതം മൂലം കാസര്‍കോഡ് നെല്ലിക്കുന്ന് സ്വദേശി ബഹ്‌റൈനില്‍ നിര്യാതനായി.
30 വര്‍ഷത്തോളമായി ബഹ്‌റൈന്‍ പ്രവാസിയായ മുഹമ്മദ് മഹമൂദ് (58) ആണ് തിങ്കളാഴ്ച ആശുപത്രിയില്‍ മരണപ്പെട്ടത്. കുടുംബ സമേതം ഉമ്മുല്‍ ഹസം ബാങ്കോക്ക് റെസ്റ്റോറന്റിന്റെ പിറക് വശത്തായിരുന്നു താമസിച്ചിരുന്നത്. ഇവിടെ ബഹ്‌റൈന്‍ ഫാര്‍മസിയിലായിരുന്നു ജോലി. തിങ്കളാഴ്ച കാലത്ത് പതിവു പോലെ ഓഫീസിലെത്തിയ മുഹമ്മദിന് നെഞ്ചു വേദന അനുഭവപ്പെട്ടതിനെ തുടര്‍ന്ന് സഹ പ്രവര്‍ത്തകര്‍ സല്‍മാനിയ മെഡിക്കല്‍ സെന്ററിൽ എത്തിച്ചെങ്കിലും ജീവന്‍ രക്ഷിക്കാനായിരുന്നില്ലെന്ന് ബന്ധപ്പെട്ടവര്‍ അറിയിച്ചു.

ഭാര്യ: നൂര്‍ജഹാന്‍, മക്കള്‍ സഫ്‌റിന്‍ (ബഹ്‌റൈന്‍ യൂണിവേഴ്‌സിറ്റി, വിദ്യാര്‍ത്ഥി), സഫ് വാന്‍(അവാല്‍ പ്ലാസ്റ്റിക്ക്), നീമ, നിസ്മ (ഏഷ്യന്‍ സ്‌കൂള്‍ വിദ്യാര്‍ത്ഥിനികള്‍) എന്നിവര്‍ ബഹ്‌റൈനിലുണ്ട്.
ഖബറടക്കം ബഹ്‌റൈനില്‍ നടന്നു. ഇവിടെ വീടിനോട് ചേര്‍ന്നുള്ള ഉമ്മുല്‍ ഹസ്സം പള്ളി ഖബറിസ്ഥാനില്‍ വന്‍ ജനാവലിയുടെ സാന്നിധ്യത്തിലായിരുന്നു ഖബറടക്കം . ജാതിഭേദമന്യ നിരവധി പ്രവാസികളാണ് ചടങ്ങില്‍ പങ്കെടുത്തതെന്നും നടപടി ക്രമങ്ങള്‍ പൂര്‍ത്തിയാക്കാന്‍ സുഹൃത്തുക്കളും സ്ഥാപന ജീവനക്കാരും സഹായിച്ചതായി സാമൂഹ്യ പ്രവര്‍ത്തകനായ ബഷീര്‍ അന്പലായി അറിയിച്ചു.