ആലത്തിയൂര്‍: നാലുനാള്‍ നീണ്ടുനില്‍ക്കുന്ന തിരൂര്‍ ഉപജില്ലാ സ്‌കൂള്‍ കലോത്സവം 19ന് തദ്ദേശ സ്വയംഭരണ വകുപ്പ് മന്ത്രി ഡോ.കെ. ടി. ജലീല്‍ ഉദ്ഘാടനം ചെയ്യും. ഇ.ടി മുഹമ്മദ് ബഷീര്‍ എം.പി മുഖ്യാതിഥിയാകും.
ആലത്തിയൂര്‍ കെ.എച്ച്.എം ഹയര്‍ സെക്കന്‍ഡറി സ്‌കൂളില്‍ 19 മുതല്‍ 22 വരെയാണ് കലോത്സവം നടക്കുന്നത്. ഉപജില്ലയിലെ 130-ഓളം വരുന്ന എയ്ഡഡ്, അണ്‍ എയ്ഡഡ്. ഹയര്‍ സെക്കന്‍ഡറി വിദ്യാലയങ്ങളില്‍ നിന്നായി 3000ത്തോളം പ്രതിഭകളാണ് മത്സരത്തില്‍ പങ്കെടുക്കുന്നത്. അറബി കലാമേളയും സംസ്‌കൃതോത്സവും ഇതോടൊപ്പം നടക്കും. ആറ് പ്രധാനവേദികളടക്കം 10 വേദികളിലായാണ് മത്സരം. പങ്കെടുക്കാനെത്തുന്ന വിദ്യാര്‍ഥികള്‍ക്ക് പരമാവധി സൗകര്യങ്ങള്‍ ഒരുക്കാന്‍ ബന്ധപ്പെട്ട എല്ലാ വിഭാഗങ്ങളും സജ്ജമായിട്ടുണ്ടെന്ന് പ്രോഗ്രാം കണ്‍വീനറും അധ്യാപകനുമായ സുകുമാരന്‍ പറഞ്ഞു.