കല്‍പ്പറ്റ: എസ്.കെ.എസ്.എസ്.എഫ് സംഘടിപ്പിക്കുന്ന ഫ്രീഡം സ്‌ക്വയര്‍ ഇന്ന് ജില്ലയിലെ 11 കേന്ദ്രങ്ങളില്‍ നടക്കും. മത സാമൂഹിക നേതാക്കള്‍, ജനപ്രതിനിധികള്‍, രാഷ്ട്രീയ നേതാക്കള്‍, പൊതുപ്രവര്‍ത്തകര്‍, മാധ്യമ പ്രവര്‍ത്തകര്‍ പങ്കെടുക്കും. 

ഇന്ന് വൈകിട്ട് നാലിന് വെങ്ങപ്പള്ളി, പൊഴുതന, പടിഞ്ഞാറത്തറ, തരുവണ, വാളാട്, കാട്ടിക്കുളം, പനമരം, മില്ല്മുക്ക്, ചുള്ളിയോട്, ബത്തേരി, വടുവഞ്ചാല്‍ എന്നീ സ്ഥലങ്ങളിലാണ് ഫ്രീഡം സ്‌ക്വയര്‍ നടക്കുക. വിവിധ കേന്ദ്രങ്ങളില്‍ പിണങ്ങോട് അബൂബക്കര്‍, അലി മാസ്റ്റര്‍, നാസര്‍ മൗലവി, ശംസുദ്ദീന്‍ റഹ്മാനി, മുഹമ്മദ് ദാരിമി, എ.കെ സുലൈമാന്‍ മൗലവി, അഷറഫ് ഫൈസി, യു.കെ നാസര്‍ മൗലവി, അലി യമാനി, കെ.സി മമ്മൂട്ടി മുസ്‌ലിയാര്‍, ഇബ്‌റാഹിം ഫൈസി പേരാല്‍ വിവിധ കേന്ദ്രങ്ങളില്‍ ഉദ്ഘാടനം ചെയ്യും.
ശൗക്കത്തലി മൗലവി വെള്ളമുണ്ട, നൗഫല്‍ മാസ്റ്റര്‍ വാകേരി, യൂനുസ് വാഫി, ലത്തീഫ് വാഫി, മൊയ്തുട്ടി യമാനി, മുഹമ്മദ് റഹ്മാനി, ആസിഫ് വാഫി, അബൂബക്കര്‍ റഹ്മാനി, മുഹമ്മദ് കുട്ടി ഹസനി, സുഹൈല്‍ വാഫി, മുജീബ് ഫൈസി എന്നിവര്‍ പ്രമേയ പ്രഭാഷണം നടത്തും.