എടപ്പാള്‍: എടപ്പാള്‍ ഉപജില്ലാ കലോത്സവത്തില്‍ പോട്ടൂര്‍ മോഡേണ്‍ ഹയര്‍ സെക്കന്‍ഡറി സ്‌കൂളിന് മികച്ച വിജയം.
തവനൂര്‍ ഗവ. ഹയര്‍ സെക്കന്‍ഡറി സ്‌ക്കൂളില്‍ നാലു ദിവസങ്ങളായി നടന്ന കലാമേളയില്‍ എല്‍.പി വിഭാഗം ജനറല്‍,യു.പി വിഭാഗം ജനറല്‍,എല്‍.പി വിഭാഗം അറബിക്ക്,
ഹൈസ്‌ക്കൂള്‍ വിഭാഗം അറബിക്ക് മത്സരങ്ങളില്‍ ഓവറോള്‍ ഒന്നാം സ്ഥാനം സ്‌കൂളിലെ വിദ്യാര്‍ഥികള്‍ സ്വന്തമാക്കി.
കൂടാതെ യു.പി വിഭാഗം അറബിക്,ഹൈസ്‌ക്കൂള്‍ വിഭാഗം ജനറല്‍ മത്സരങ്ങളില്‍ ഓവറോള്‍ മൂന്നാം സ്ഥാനവും നേടി.
സ്‌കൂളില്‍ നടന്ന അനുമോദന ചടങ്ങില്‍ ഡോ. സി.പി അലി ബാവ ഹാജി,പി.ഹസ്സന്‍,എന്‍. മൊയ്തുണ്ണി,പി.ടി.എ പ്രസിഡന്റ് അമീന്‍,പ്രിന്‍സിപ്പല്‍ എ.വി സുഭാഷ് സംസാരിച്ചു.