ജെയ്പൂര്‍: സഞ്ജയ ലീല ബന്‍സാലിയുടെ സിനിമയായ പത്മാവതിയുടെ ട്രെയിലര്‍ പ്രദര്‍ശിപ്പിച്ച തിയറ്ററിനുനേരെ ഹൈന്ദവ സംഘടനയായ കര്‍ണി സേനയുടെ ആക്രമണം. രാജസ്ഥാനിലെ കോട്ടയിലെ ആകാശ് തിയറ്ററിലാണ് അക്രമികള്‍ അഴിഞ്ഞാടിയത്. ചരിത്രം വളച്ചൊടിച്ചാണ് സിനിമ തയാറാക്കിയതെന്നാരോപിച്ച് പലകോണുകളില്‍ നിന്ന് പ്രതിഷേധം ഉയരുന്നതിനിടയിലാണ് അക്രമണമുണ്ടായത്. സംഭവത്തില്‍ എട്ടുപേരെ പൊലിസ് അറസ്റ്റ് ചെയ്തിട്ടുണ്ട്.