തളിപ്പറമ്പ്: തളിപ്പറമ്പ് നോര്‍ത്ത് ഉപജില്ലാ സ്‌കൂള്‍ കലോത്സവത്തിന് തുടക്കമായി. കേയീ സാഹിബ് ട്രെയിനിങ് കോളജ് ഗ്രൗണ്ടിലെ പ്രധാന വേദിയില്‍ തളിപ്പറമ്പ് നഗരസഭാ ചെയര്‍മാന്‍ മഹമ്മൂദ് അള്ളാംകുളത്തിന്റെ അധ്യക്ഷതയില്‍ ബ്ലോക്ക് പഞ്ചായത്ത് പ്രസിഡന്റ് ടി. ലത ഉദ്ഘാടനം ചെയ്തു.
ഒരു വിദ്യാലയത്തില്‍ മാത്രം കേന്ദ്രീകരിച്ചു നടത്താറുളള കലോത്സവം ഇത്തവണ ആറ് സ്‌കൂളുകളിലായാണ് നടത്തുന്നത്. ഈ സ്‌കൂളുകളിലെ സ്‌റ്റേജുകളും സൗകര്യങ്ങളും ഉപയോഗപ്പെടുത്തി നടത്തുന്നതിനാല്‍ പരമാവധി ചെലവു കുറക്കാനാണ് ലക്ഷ്യമിടുന്നത്. സര്‍ സയ്യിദ് സ്‌കൂള്‍, സീതി സാഹിബ് ഹയര്‍സെക്കന്‍ഡറി, ടാഗോര്‍ വിദ്യാനികേതന്‍, സെന്റ് ജോസഫ്‌സ് പുഷ്പഗിരി, കേയീ സാഹിബ് ട്രെയിനിങ് കോളജ്, യത്തീംഖാന എല്‍.പി എന്നിവിടങ്ങളിലായി നടക്കുന്ന മത്സരങ്ങളുടെ സമാപനം 21ന് ടാഗോറില്‍ നടക്കും. തളിപ്പറമ്പ് നോര്‍ത്ത് എ.ഇ.ഒ പദ്ധതി വിശദീകരിച്ചു. കെ.പി പുരുഷോത്തമന്‍, കെ.വി മുഹമ്മദ് കുഞ്ഞി, പി. ദിനേശന്‍, കെ. അബ്ദുള്‍ റഹിമാന്‍, എം. അബ്ദുള്‍ ലത്തീഫ് ഇക്ബാല്‍ കോയിപ്പ്ര, എം. കാസിം, സീനത്ത് സംസാരിച്ചു.