തളിപ്പറമ്പ്: ആള്‍ കേരള ഫോട്ടോഗ്രാഫേഴ്‌സ് അസോസിയേഷന്‍ ജില്ലാ സമ്മേളനം മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു. ജില്ലാ പ്രസിഡന്റ് പി.വി അനില്‍കുമാര്‍ അധ്യക്ഷനായി. ലളിതകലാ അക്കാദമി അംഗം പി.വി ബാലന്‍, കല്ലിങ്കില്‍ പത്മനാഭന്‍, ടി.ടി സോമന്‍, വി.വി. കണ്ണന്‍, ഗിരീഷ് പട്ടാമ്പി, കെ.എസ് റിയാസ്, കെ.എം ലത്തീഫ്, എം.കെ മനോഹരന്‍, ജോയ്ഗ്രയിസ്, ദിലീഷ്‌കുമാര്‍ പരിയാരം, പ്രജിത്ത് കണ്ണൂര്‍, പി.ടി.കെ രജിഷ്, പി.പി ജയകുമാര്‍, എം.എം വിനോദ് കുമാര്‍, കൃഷ്ണദാസ്, രഞ്ജിത്ത് നെല്ലിയോട്ട് സംസാരിച്ചു.
ടൗണ്‍ സ്‌ക്വയറില്‍ നടത്തിയ ഫോട്ടോ പ്രദര്‍ശനം നഗരസഭാ ചെയര്‍മാന്‍ മഹമ്മൂദ് അള്ളാംകുളം ഉദ്ഘാടനം ചെയ്തു. ട്രേഡ് ഫെയര്‍ തളിപ്പറമ്പ ബ്ലോക്ക് പഞ്ചായത്ത് പ്രസിഡന്റ് ടി. ലത ഉദ്ഘാടനം ചെയ്തു. പൊതുസമ്മേളനത്തിനു മുന്‍പായി ചിറവക്കില്‍ നിന്ന് പ്രകടനവും നടന്നു. ഇന്ന് രാവിലെ 10 മുതല്‍ നടക്കുന്ന പ്രതിനിധി സമ്മേളനം എ.കെ.പി.എ സംസ്ഥാന ജനറല്‍ സെക്രട്ടറി ഗിരീഷ് പട്ടാമ്പി ഉദ്ഘാടനം ചെയ്യും.