കയ്പമംഗലം: യുവാക്കള്‍ യുഗശില്‍പികളാണെന്നും സമൂഹത്തിന്റെ നന്മക്കായി യുവാക്കള്‍ കര്‍മ്മ രംഗത്തിറങ്ങണമെന്നും സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ അംഗം ശൈഖുനാ മാണിയൂര്‍ അഹ്മദ് മുസ്‌ലിയാര്‍ അഭിപ്രായപ്പെട്ടു. മജ്‌ലിസുന്നൂര്‍ കോര്‍ഡിനേഷന്‍ കമ്മറ്റി മൂന്ന് പീടികയില്‍ സംഘടിപ്പിച്ച ആത്മീയ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദേഹം. സമസ്ത കേന്ദ്ര മുശാവറ അംഗം എസ്.എം.കെ തങ്ങള്‍ അധ്യക്ഷനായി. സമസ്ത ജില്ലാ ട്രഷറര്‍ പി.ടി കുഞ്ഞുമുഹമ്മദ് മുസ്‌ലിയാര്‍ പ്രാര്‍ഥന നിര്‍വഹിച്ചു. സ്വാലിഹ് ഹുദവി തൂത മുഖ്യപ്രഭാഷണം നടത്തി. സയ്യിദ് നജീബ് തങ്ങള്‍ ആന്ത്രോത്ത്, സയ്യിദ് ശിഹാബുദ്ദീന്‍ തങ്ങള്‍ ചേര്‍പ്പ്, സയ്യിദ് ഹുസൈന്‍ തങ്ങള്‍, സയ്യിദ് ഹാശിംതങ്ങള്‍ പ്രാണിയാട്, അബ്ദുല്‍കരീം ഫൈസി പൈങ്കണ്ണിയൂര്‍, എം.കെ മുജീബുറഹ്മാന്‍ ദാരിമി, റിയാസ് അല്‍ഹസനി, മുഹമ്മദ് ഫൈസി പുതിയകാവ്, സി.എച്ച്.എം ഫൈസല്‍ ബദ്‌രി, മുഈനുദ്ദീന്‍ വാഫി സംസാരിച്ചു.