പാപ്പിനിശ്ശേരി: പാപ്പിനിശ്ശേരി തുരുത്തിയിലെ പ്ലൈവുഡ് കമ്പനി സ്പീഡ് വുഡ്‌സില്‍ തീപ്പിടുത്തം. ഇന്നലെ രാവിലെ 9.30നാണ് അപകടം ഉണ്ടാകുന്നത്.
ബ്ലോക്ക് ബോഡ് നിര്‍മാണത്തിനായി ചേംബറിനുള്ളില്‍ ഉണക്കാനിട്ട മരപ്പലകകള്‍ക്കാണ് തീപിടിച്ചത്. ചേംബറിനുളളില്‍ നിന്ന് തീ ഉയരുന്നത് തൊഴിലാളികളുടെ ശ്രദ്ധയില്‍പെട്ടതോടെ ഉടന്‍ തീയണക്കാന്‍ ശ്രമിച്ചു.
ഇത് ഫലം കാണാത്തതിനെതുടര്‍ന്ന് കണ്ണൂരില്‍ നിന്നുള്ള രണ്ട് യൂനിറ്റ് ഫയര്‍ഫോഴ്‌സ് എത്തി ഒരു മണിക്കൂര്‍ കൊണ്ടാണ് തീ അണച്ചത്.
പത്ത് ലക്ഷം രൂപയുടെ നഷ്ടമുണ്ടായതായി കണക്കാക്കുന്നു. ചേംബറിനുള്ളില്‍ ചൂട് കൂടിയതാണ് തീപിടുത്തത്തിന് കാരണമെന്ന് കമ്പനി അധികൃതര്‍ പറഞ്ഞു.