തളിപ്പറമ്പ്: ദേശീയപാതയില്‍ പരിയാരം മെഡിക്കല്‍ കോളജിന് സമീപം നാഷനല്‍ പെര്‍മിറ്റ് ലോറി ഡിവൈഡറില്‍ ഇടിച്ചുകയറി. ഇന്നലെ രാവിലെ ഒന്‍പതോടെയാണ് സംഭവം. മുന്നില്‍ പോവുകയായിരുന്ന മണ്ണുമാന്തി വണ്ടിയെ മറികടക്കാനുള്ള ശ്രമത്തിനിടെ നിയന്ത്രണം വിട്ട ലോറി ഡിവൈഡറില്‍ കയറുകയായിരുന്നു. മഹാരാഷ്ട്രയിലെ ഷോലാപ്പൂരില്‍ നിന്നു കൊച്ചിയിലേക്ക് ചരക്കുമായി പോകുകയായിരുന്നു ലോറി. പരിയാരം ദേശീയപാതയില്‍ അലക്യംപാലം വളവില്‍ അപകടങ്ങളും മരണങ്ങളും പതിവായതോടെയാണ് റോഡ് വികസിപ്പിച്ച് വീതികൂട്ടി ഡിവൈഡറുകള്‍ സ്ഥാപിച്ചത്.