കൊണ്ടോട്ടി: സ്വര്‍ണം, കുങ്കുമപ്പൂവ്, വിദേശ കറന്‍സി കരിപ്പൂരില്‍ 15 ദിവസത്തിനിടെ പിടികൂടിയത് രണ്ടര കോടിയിലേറെ രൂപയുടെ കളളക്കടത്ത്. ഇന്നലെ മാത്രം രണ്ട് യാത്രക്കാരില്‍ നിന്ന് ഡി.ആര്‍.ഐ പിടികൂടിയത് 1.91 കോടിയുടെ 6.224 കിലോ സ്വര്‍ണമാണ്. കരിപ്പൂരില്‍ കഴിഞ്ഞ രണ്ടിന് രണ്ട് യാത്രക്കാരില്‍ നിന്ന് 19 ലക്ഷത്തിന്റെ കുങ്കുമപ്പൂവും,18 ലക്ഷത്തിന്റെ സ്വര്‍ണവും പിടികൂടിയത്. മൂന്നിന് രണ്ട് യാത്രക്കാരില്‍ നിന്നായി 29 ലക്ഷത്തിന്റെ 960 ഗ്രാം സ്വര്‍ണമാണ് എയര്‍ കസ്റ്റംസ് ഇന്റലിജന്‍സ് വിഭാഗം പിടികൂടി. നാലിന് ഷാര്‍ജയിലേക്ക് കടത്താന്‍ ശ്രമിച്ച 9.25 ലക്ഷത്തിന്റെ വിദേശ കറന്‍സിയുമായാണ് യാത്രക്കാരന്‍ പിടിയിലായത്. കഴിഞ്ഞ 6ന് വയനാട് സ്വദേശിയായ യുവതിയില്‍ നിന്നാണ് 12.94 ലക്ഷത്തിന്റെ സ്വര്‍ണം കണ്ടെത്തിയത്.