തിരുവനന്തപുരം: തോമസ് ചാണ്ടി രാജിവച്ചൊഴിഞ്ഞ മന്ത്രിസ്ഥാനം എന്‍.സി.പിക്കു തന്നെ നല്‍കുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. മുന്നണിയിലെ മറ്റു കക്ഷികളുടെ വകുപ്പ് ഏറ്റെടുക്കാന്‍ സി.പി.എം ഉദ്ദേശിക്കുന്നില്ല.
ആ സീറ്റ് ഒഴിച്ചിട്ടിരിക്കയാണ്. എന്‍സി.പിയില്‍ നിന്ന് ആരെങ്കിലും മന്ത്രിയാകുന്ന സാഹചര്യം ഉണ്ടാകുന്നതുവരെ വകുപ്പ് മുഖ്യമന്ത്രി കൈകാര്യം ചെയ്യും. തോമസ് ചാണ്ടിയുടെ രാജിക്ക് ഉപാധികളൊന്നുമില്ല. ഉപാധികളുണ്ടെന്ന് എന്‍.സി.പി പറയുന്നുണ്ടല്ലോ എന്ന മാധ്യമപ്രവര്‍ത്തകരുടെ ചോദ്യത്തിന്, അവര്‍ക്കങ്ങനെ പല അഭിപ്രായങ്ങളുമുണ്ടാകുമെന്ന് കോടിയേരി മറുപടി നല്‍കി.