ദോഹ: ശൈത്യകാല അവധി ആഘോഷങ്ങള്‍ക്കായി ജെറ്റ് എയര്‍വേയ്‌സ് ആകര്‍ഷകമായ ഓഫറുകള്‍ പ്രഖ്യാപിച്ചു. പ്രമോഷന്‍ കാലയളവില്‍ അടിസ്ഥാന നിരക്കില്‍ വ്യവസ്ഥകള്‍ക്കു വിധേയമായി 12 ശതമാനം ഡിസ്‌ക്കൗണ്ട് ലഭിക്കും.

ദോഹയില്‍ നിന്നും ഇന്ത്യയിലേക്കും നേപ്പാള്‍, ബംഗ്ലാദേശ്, ശ്രീലങ്ക, ഫാര്‍ ഈസ്റ്റ് രാജ്യങ്ങളിലേക്കും ഈ ഓഫര്‍ ലഭ്യമാണ്. നവംബര്‍ പതിനേഴിനുള്ളില്‍ ജെറ്റ് എയര്‍വേയ്‌സിന്റെ വെബ്‌സൈറ്റ് മുഖേനയോ ഓണ്‍ലൈനായോ മൊബൈല്‍ ആപ്ലിക്കേഷന്‍ മുഖേനയും ബുക്ക് ചെയ്യാവുന്നതാണ്. പ്രീമിയര്‍, ഇക്കോണമി ടിക്കറ്റുകള്‍ക്കായിരിക്കും ഡിസ്‌ക്കൗണ്ട് ലഭിക്കുന്നത് .അടുത്തവര്‍ഷം മേയ് 31 വരെയുള്ള യാത്രകള്‍ക്കാണ് ഓഫര്‍. ജെറ്റ് എയര്‍വേയ്‌സിന്റെ നേരിട്ടുള്ള വിമാനങ്ങളില്‍ മാത്രമായിരിക്കും ഓഫര്‍ ലഭിക്കുക. യാത്രക്കാര്‍ക്ക് ഏറ്റവും മികച്ച സൗകര്യങ്ങളും സേവനങ്ങളുമാണ് ജെറ്റ് എയര്‍വേയ്‌സ് ലഭ്യമാക്കുന്നതെന്ന് ഗള്‍ഫ് മിഡില്‍ഈസ്റ്റ് ആഫ്രിക്ക വൈസ്പ്രസിഡന്റ് ഷാകിര്‍ കണ്ടവാല പറഞ്ഞു