തിരുവനന്തപുരം: കാട്ടാക്കടയില്‍ സി.പി.എം പ്രവര്‍ത്തകനെ വെട്ടിക്കൊലപ്പെടുത്താന്‍ ശ്രമം. സി.പി.എം ബ്രാഞ്ച് അംഗം ശശികുമാറിന് നേരെയാണ് ആക്രമണമുണ്ടായത്. ശശികുമാറിനെ ആക്രമിക്കുന്നതിന്റെ സി.സി.ടി.വി ദൃശ്യങ്ങള്‍ പുറത്തുവന്നിട്ടുണ്ട്.

ഇന്ന് രാവിലെ ആറുമണിയോടെയായിരുന്നു സംഭവം. ദേശാഭിമാനി ഏജന്റുകൂടിയായ ശശികുമാര്‍ രാവിലെ പത്രക്കെട്ടുമായി പോകവെ ബൈക്കിലെത്തിയ സംഘം ചവിട്ടിവീഴുത്തുകയായിരുന്നു. ശേഷം വടിവാളുമായി അക്രമിസംഘം ശശികുമാറിനെ ഓടിച്ചിട്ട് വെട്ടാനും ശ്രമിച്ചു. പരുക്കേറ്റ ശശികുമാറിനെ ആശുപത്രിയിലേക്ക് മാറ്റി.