കോഴിക്കോട്: അല്‍ഹിന്ദ് ടൂര്‍സ് ആന്‍ഡ് ട്രാവല്‍സിന്റെ 26-ാം വാര്‍ഷികം നവംബര്‍ 30ന് കോഴിക്കോട് മാവൂര്‍ റോഡ് അല്‍ഹിന്ദ് ഗ്രൗണ്ടില്‍ നടക്കും. കാല്‍നൂറ്റാണ്ട് കാലത്തെ മികച്ച ഹജ്ജ് - ഉംറ സേവന പാരമ്പര്യമുള്ള അല്‍ഹിന്ദ് ട്രാവല്‍സിന് ഇന്ത്യ- സഊദി സര്‍ക്കാരുകളുടെ നിരവധി അംഗീകാരങ്ങളും ബഹുമതികളും ലഭിച്ചിട്ടുണ്ട്. കഴിഞ്ഞ വര്‍ഷങ്ങളിലെല്ലാം ഇന്ത്യയില്‍നിന്ന് ഏറ്റവും കൂടുതല്‍ ഹജ്ജ് - ഉംറ തീര്‍ഥാടകരെ ഹറമിലെത്തിച്ചു വരുന്ന അല്‍ഹിന്ദ് ട്രാവല്‍സിന് അയാട്ട അംഗീകാരം ഉള്‍പ്പെടെ ട്രാവല്‍, ടൂറിസം രംഗത്തെ അന്താരാഷ്ട്ര അംഗീകാരങ്ങളുമുണ്ട്. ഹജ്ജ്- ഉംറ യാത്രികര്‍ക്കായി 100ല്‍ പരം വിമാനങ്ങളാണ് മുന്‍വര്‍ഷങ്ങളില്‍ അല്‍ഹിന്ദ് ചാര്‍ട്ടര്‍ ചെയ്തത്.
ഇന്ത്യയിലും വിദേശത്തുമായി 87 ബ്രാഞ്ചുകള്‍ ഉള്‍പ്പെടെ 100ല്‍ പരം ഓഫിസുകള്‍ ഉള്ള അല്‍ഹിന്ദ് ട്രാവല്‍സിന്റെ വാര്‍ഷികത്തോടനുബന്ധിച്ച് പ്രശസ്ത പ്രഭാഷകനും പണ്ഡിതനുമായ സിംസാറുല്‍ഹഖ് ഹുദവിയുടെ 'മദ്ഹ് റസൂല്‍ പ്രഭാഷണം' നവംബര്‍ 30 വ്യാഴാഴ്ച ഉച്ചയ്ക്ക് 2.30ന് കോഴിക്കോട് മാവൂര്‍ റോഡ് അല്‍ഹിന്ദ് ഗ്രൗണ്ടില്‍ നടക്കും.
മത സാമൂഹിക രംഗത്തെ പ്രമുഖര്‍ ചടങ്ങില്‍ സംബന്ധിക്കും. ഇത് സംബന്ധിച്ച് അല്‍ഹിന്ദ് ടവറില്‍ ചേര്‍ന്ന യോഗത്തില്‍ റീജ്യനല്‍ മാനേജര്‍ യാസിര്‍ മുണ്ടോടന്‍, പി.ആര്‍ അബ്ദുസ്സമദ്, അല്‍ഹിന്ദ് ഹജ്ജ്-ഉംറ അമീറുമാരായ എം.പി കൊടുങ്ങല്ലൂര്‍, അലവി ദാരിമി കുഴിമണ്ണ, മിര്‍ഷാദ് യമാനി ചാലിയം, ഹനീഫ ദാരിമി, അല്‍ഹിന്ദ് ഹജ്ജ്-ഉംറ കോ ഓര്‍ഡിനേറ്റര്‍മാരായ ഹാശിം മൂഴിക്കല്‍, ശബീര്‍ ബാബു വെങ്കിട, നജീബ് നടുത്തൊടി, ഇര്‍ഫാന്‍, നിയാസ് പെരുവത്തില്‍ കണ്ണൂര്‍, അന്‍വര്‍ സാദത്ത് സംബന്ധിച്ചു.