വാഷിങ്ടണ്‍ ഡി.സി: പച്ചക്കറികളും പഴങ്ങളും കഴിക്കുന്നത് മികച്ച ആരോഗ്യം നിലനിര്‍ത്താന്‍ സഹായകരമാണെന്ന് നമുക്കെല്ലാവര്‍ക്കുമറിയാം. എന്നാല്‍ അതില്‍ തന്നെ പച്ചിലയുള്ള പച്ചക്കറികളും പഴങ്ങളും കഴിക്കുന്നത് ആരോഗ്യ സ്ഥിരതക്ക് ഉത്തമമാണെന്ന് പുതിയ പഠനങ്ങള്‍ തെളിയിക്കുന്നത്.

ഹൃദയാഘാതത്തിന് തടയിടാനും മറ്റു ഹൃദ്രോഗങ്ങള്‍ക്കും ഇവ സഹായകരമാണെന്നാണ് പുതിയ കണ്ടെത്തല്‍. കൂടുതല്‍ പഴങ്ങളും പച്ചക്കറികളും കഴിക്കുന്നവരില്‍ മറ്റു ഭക്ഷണങ്ങള്‍ കഴിക്കുന്നവരേക്കാള്‍ 42 ശതമാനം അസുഖങ്ങള്‍ വരാന്‍ സാധ്യത കുറവാണ്.

അതേസമയം, ഒരാഴ്ചയില്‍ ഒരു കപ്പ് കാപ്പി കുടിക്കുന്നതും ഹൃദയാഘാതം തടയുന്നതിന് സഹായിക്കുമെന്നാണ് ഒരു കൂട്ടം ഗവേഷകര്‍ പറയുന്നത്. ന്യൂയോര്‍ക്കിലെ എകന്‍ സ്‌കൂള്‍ ഓഫ് മെഡിസിനിലെ ഗവേഷകരാണ് പഠനത്തിന് പിന്നില്‍.