അഹമ്മദാബാദ്: ഗുജറാത്ത് നിയമസഭാ തെരഞ്ഞെടുപ്പിനുള്ള മൂന്നാമത്തെ സ്ഥാനാര്‍ത്ഥി പട്ടിക ബി.ജെ.പി പുറത്തിറക്കി. ഗുജറാത്ത് നിയമസഭാ സ്പീക്കര്‍ രാമന്‍ വോറ, മുന്‍ കാബിനറ്റ് മന്ത്രി സൗരഭ് പട്ടേല്‍, ജയറാംഭായ് ധഞ്ചിഭായ് സോനാഗ്ര തുടങ്ങിയ നേതാക്കള്‍ ഉള്‍പ്പെടെ 28 സ്ഥാനാര്‍ഥികളുടെ പട്ടികയാണ് പുറത്തുവിട്ടിരിക്കുന്നത്.

തെരഞ്ഞെടുപ്പ് നാമനിര്‍ദ്ദേശ പത്രിക സമര്‍പ്പിക്കാനുള്ള സമയം അവസാനിക്കാന്‍ മണിക്കൂറുകള്‍ മാത്രം ബാക്കി നില്‍ക്കെയാണ് മൂന്നാമത്തെ പട്ടിക ബി.ജെ.പി പുറത്തിറക്കിയിരിക്കുന്നത്.

ബി.ജെ.പി പുറത്തിറക്കിയ ആദ്യ പട്ടികയില്‍ 70 ഉം രണ്ടാമത്തേതില്‍ 36 ഉം സ്ഥാനാര്‍ഥികളാണ് ഉണ്ടായിരുന്നത്.