ന്യൂഡല്‍ഹി: രാജ്യത്ത് മുട്ടയ്ക്ക് ഒരു മാസത്തിനിടെ കൂടിയത് 40 ശതമാനം വില. അതേസമയം, ബ്രോയിലര്‍ കോഴിയുടെ വിലയില്‍ 25 ശതമാനം ഇടിവുണ്ടായി.

പൂനെയില്‍, ഒക്ടോബര്‍ 12ന് 100 മുട്ടയ്ക്ക് 380 രൂപയായിരുന്നു വില. എന്നാല്‍ നവംബര്‍ 12 ആയതോടെ ഇത് 530 രൂപയായി ഉയര്‍ന്നു. ഒരു മുട്ടയ്ക്ക് 6 രൂപയില്‍ കൂടുതല്‍ വരെ എത്തി. ഡല്‍ഹിയില്‍ 100 മുട്ടയുടെ മൊത്തവില 375 രൂപയില്‍ നിന്ന് 525 രൂപ വരെ എത്തി.

അതേസമയം, രാജ്യത്ത് ബ്രോയിലര്‍ കോഴികളുടെ വില 25 ശതമാനം വരെ കുറഞ്ഞു. ഒരു കിലോ കോഴിയുടെ വില 120 രൂപയില്‍ നിന്ന് 90 രൂപയായി കുറഞ്ഞു. പഞ്ചാബില്‍ കോഴിയുടെ ശരാശരി വില 132 രൂപയാണ്.