പനാജി: കേരള ഹൈക്കോടതി പ്രദര്‍ശനാനുമതി നല്‍കിയിട്ടും സനല്‍കുമാര്‍ ശശിധരന്റെ സിനിമയായ എസ്. ദുര്‍ഗയ്ക്ക് ഗോവ ചലച്ചിത്രോത്സവത്തില്‍ വിലക്ക്. ചിത്രം പ്രദര്‍ശിപ്പിക്കാന്‍ വാര്‍ത്താ വിനിമയ പ്രക്ഷേപണ മന്ത്രാലയം ഇതുവരെ നിര്‍ദേശം നല്‍കിയിട്ടില്ലെന്നാണ് ചലച്ചിത്രോത്സവ ഡയരക്ടര്‍ സുനിത ഠാണ്ഡന്‍ പറയുന്നത്. ഇന്നലെ നടന്ന ചലച്ചിത്രോത്സവ ഓപ്പണ്‍ ഫോറത്തിലാണ് ഇതുസംബന്ധിച്ച ചോദ്യം ഉയര്‍ന്നത്. കൂടുതല്‍ വിശദീകരണം നല്‍കാതെ ഡയരക്ടര്‍ ഓപ്പണ്‍ ഫോറത്തില്‍ നിന്ന് ഇറങ്ങിപ്പോകുകയും ചെയ്തു.