ഹരാരെ: സിംബാബ്‌വെയുടെ പുതിയ പ്രസിഡന്റായി മുന്‍ വൈസ് പ്രസിഡന്റ് എമേഴ്‌സണ്‍ മാന്‍ഗ്വാഗ നാളെ സത്യപ്രതിജ്ഞ ചെയ്ത് അധികാരമേല്‍ക്കും. കഴിഞ്ഞ മാസം ആറിനു വൈസ് പ്രസിഡന്റ് സ്ഥാനത്തുനിന്നു 75കാരനായ എമേഴ്‌സണെ റോബര്‍ട്ട് മുഗാബെ പുറത്താക്കിയിരുന്നു. തുടര്‍ന്നു ദക്ഷിണാഫ്രിക്കയിലെത്തിയ അദ്ദേഹം ഇന്നലെയാണ് സിംബാബ്‌വെയില്‍ തിരിച്ചെത്തിയത്.
സൈനിക അട്ടിമറിക്കു ശേഷം റോബര്‍ട്ട് മുഗാബെ രാജിവച്ചതോടെ എമേഴ്‌സണു പ്രസിഡന്റ് സ്ഥാനത്തേക്കു വഴിതെളിഞ്ഞു. ഇദ്ദേഹം നാളെ അധികാരമേല്‍ക്കുമെന്നു സിംബാബ്‌വെയുടെ ഔദ്യോഗിക ടെലിവിഷനായ ഇസഡ്.ബി.സിയാണ് അറിയിച്ചത്. ഇന്നലെ രാജ്യത്തു തിരിച്ചെത്തിയ എമേഴ്‌സണെ സ്വീകരിക്കാനായി വന്‍ ജനസഞ്ചയമാണ് വിമാനത്താവളത്തിനു പുറത്തു കാത്തുനിന്നത്.