വണ്ണപ്പുറം: വണ്ണപ്പുറം സിറാജുല്‍ ഹുദാ മദ്‌റസയില്‍ ഇന്ന് രാവിലെ ഏഴിന് ഫ്രീഡം മീറ്റ് സംഘടിപ്പിക്കും.
ഗ്രാമപഞ്ചായത്ത് വൈസ് പ്രസിഡന്റ് കെ.എച്ച് അബ്ദുല്‍ അസീസ് ഉദ്ഘാടനം ചെയ്യും. മഹല്ല് പ്രസിഡന്റ് കെ.ഇ ഹമീദ് ഹാജി അധ്യക്ഷത വഹിക്കും. ഇമാം ഹനീഫ് കാശിഫി സ്വാതന്ത്ര്യദിന സന്ദേശം നല്‍കും.
ഗ്രാമപഞ്ചായത്ത് മെമ്പര്‍ ടി ആര്‍ റഷീദ്, പി എസ് കാസിം, ടി കെ ഇസ്മായില്‍ ഹാജി ആശംസയര്‍പ്പിക്കും. ദേശീയ പതാക ഉയര്‍ത്തല്‍, ദേശഭക്തി ഗാനാലാപനം, ദേശരക്ഷാ പ്രതിജ്ഞ, മധുര വിതരണം എന്നിവ നടക്കുമെന്ന് മാനേജ്‌മെന്റ് ഭാരവാഹികളായ ഷിഹാബ് കല്ലുങ്കല്‍, സുബൈര്‍ ഇല്ലിക്കല്‍ എന്നിവര്‍ അറിയിച്ചു.