കുറ്റിക്കാട്ടൂര്‍: എസ്.കെ.എസ്.എസ്.എഫ് സംസ്ഥാന വിഖായ സമര്‍പ്പണത്തിന്റെ ഭാഗമായി കുറ്റിക്കാട്ടൂര്‍ മുസ്‌ലിം യതീംഖാന കേന്ദ്രത്തില്‍ നടന്ന വൈബ്രന്റ് കോണ്‍ഫറന്‍സ് സമസ്ത കേന്ദ്ര മുശാവറ അംഗം വാവാട് കുഞ്ഞിക്കോയ മുസ്‌ലിയാര്‍ ഉദ്ഘാടനം ചെയ്തു. തഖ്‌വയില്‍ അധിഷ്ഠിതമായ വിഖായ വിങിന്റെ പ്രവര്‍ത്തനം വിദേശ രാജ്യങ്ങളില്‍ പോലും പ്രശംസക്ക് പാത്രമായതാണെന്ന് അദ്ദേഹം പറഞ്ഞു.
സ്വാഗതസംഘം ചെയര്‍മാന്‍ എ.ടി ബശീര്‍ ഹാജി അധ്യക്ഷനായി. അബൂബക്കര്‍ ഫൈസി മലയമ്മ, ഇ.എം കോയ ഹാജി, പി. ബാവഹാജി, പി.പി അബ്ദുറഹ്മാന്‍ മുസ്‌ലിയാര്‍, ജമാലുദ്ദീന്‍ ദാരിമി, കെ.എം.എ റഹ്മാന്‍, ഉനൈസ് ഹുദവി, ഹുസൈന്‍ ഹാജി, കെ. മരക്കാര്‍ ഹാജി, മുഹമ്മദ് ഹാജി, സലാം ഹാജി പ്രസംഗിച്ചു. ടി.പി സുബൈര്‍ മാസ്റ്റര്‍ സ്വാഗതവും അബ്ദുറഹീം നന്ദിയും പറഞ്ഞു.
രണ്ടാം സെഷന്‍ സയ്യിദ് സഹല്‍ തങ്ങള്‍ ഉദ്ഘാടനം ചെയ്തു. ജലീല്‍ ഫൈസി അരിമ്പ്ര അധ്യക്ഷനായി. അബ്ദുല്‍ ഹമീദ് ഫൈസി അമ്പലക്കടവ്, മുസ്തഫ മുണ്ടുപാറ, നാസര്‍ ഫൈസി കൂടത്തായി ക്ലാസെടുത്തു. നിസാം ഓമശ്ശേരി, ആര്‍.വി സലീം പ്രസംഗിച്ചു. വലിയുദ്ദീന്‍ ഫൈസി, ശഫീഖ് ദാരിമി എന്നിവര്‍ മയ്യിത്ത് പരിപാലനപരിശീലന ക്ലാസിന് നേതൃത്വം നല്‍കി.
ഇന്ന് കാലത്ത് 5.30ന് റഹ്മത്തുല്ല ഖാസിമി മൂത്തേടം ക്ലാസെടുക്കും. ഏഴിന് സലീം അനന്തായൂരിന്റെ നേതൃത്വത്തില്‍ ഫിസിക്കല്‍ ട്രെയിനിങ് നടക്കും. തുടര്‍ന്ന് വിവിധ കേന്ദ്രങ്ങളില്‍ സന്നദ്ധ സേവന പ്രവര്‍ത്തനങ്ങള്‍ നടത്തും. ഉച്ചയ്ക്ക് രണ്ടിന് ട്രോമാ കെയര്‍ പരിശീലനം സയ്യിദ് അബ്ബാസലി ശിഹാബ്തങ്ങള്‍ ഉദ്ഘാടനംചെയ്യും. ഡോക്ടര്‍ അജ്മല്‍ റോഷന്‍ ക്ലാസെടുക്കും. ആരോഗ്യം സെഷനില്‍ അബ്ദുറഹ്മാന്‍ ഫൈസി പാണമ്പ്രയും നിയമങ്ങള്‍ സെഷനില്‍ അഡ്വ. ഷഹ്‌സാദ് ഹുദവിയും ക്ലാസെടുക്കും.