കോയമ്പത്തൂര്‍: നീലഗിരി ജില്ലയിലെ ഗൂഡല്ലൂരിനടുത്ത നാടുകാണിയില്‍ നായാട്ടിനെത്തിയ നാലംഗ മലയാളി സംഘത്തെ പൊലിസ് അറസ്റ്റ് ചെയ്തു.
കോഴിക്കോട് മുക്കം സ്വദേശികളായ അസീസ് (36), അബ്ദുല്‍ ഖാദര്‍ (43), വിനു (40), ഉദയഭാനു (42) എന്നിവരാണ് അറസ്റ്റിലായത്.
നാടുകാണി എസ്.ഐ ജയറാമും സംഘവും വാഹനപരിശോധന നടത്തുന്നതിനിടെയാണ് ഇവര്‍ പിടിയിലായത്. ഇവര്‍ സഞ്ചരിച്ച ജീപ്പില്‍നിന്നു തോക്കും പത്തു തിരകളും കണ്ടെടുത്തു. ജീപ്പും കസ്റ്റഡിയിലെടുത്തു.
ഇവരോടൊപ്പമുണ്ടായിരുന്ന മറ്റു ചിലര്‍ മറ്റൊരു വാഹനത്തില്‍ കടന്നുകളഞ്ഞതായി പൊലിസ് അറിയിച്ചു. ഇവരെക്കുറിച്ചുള്ള വിവരങ്ങള്‍ പൊലിസിനു ലഭിച്ചിട്ടുണ്ട്. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.