മദ്‌റസാ മാനേജ്‌മെന്റ് അസോസിയേഷന്‍: സംസ്ഥാന നേതൃ സംഗമത്തിന് അന്തിമ രൂപമായി

backup

November 29 2017 | 00:11 AM

%e0%b4%ae%e0%b4%a6%e0%b5%8d%e2%80%8c%e0%b4%b1%e0%b4%b8%e0%b4%be-%e0%b4%ae%e0%b4%be%e0%b4%a8%e0%b5%87%e0%b4%9c%e0%b5%8d%e2%80%8c%e0%b4%ae%e0%b5%86%e0%b4%a8%e0%b5%8d%e0%b4%b1%e0%b5%8d-%e0%b4%85-2

ചേളാരി: ഡിസംബര്‍ 28ന് അത്തിപ്പറ്റ ഫത്ഹുല്‍ ഫത്താഹില്‍ നടക്കുന്ന സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ സംസ്ഥാന നേതൃസംഗമത്തിന് സംസ്ഥാന ഭാരവാഹികളുടെയും ജില്ലാ സെക്രട്ടറിമാരുടെയും സംയുക്ത യോഗം അന്തിമ രൂപം നല്‍കി. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സംസ്ഥാന പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനാകും.
നവോത്ഥാനം മദ്‌റസകളിലൂടെ, മദ്‌റസ പ്രസ്ഥാനം: പ്രശ്‌നങ്ങളും പരിഹാരങ്ങളും എന്നീ വിഷയങ്ങളില്‍ ക്ലാസുകള്‍ നടക്കും. വരും വര്‍ഷത്തേക്കുള്ള കര്‍മ പദ്ധതികള്‍ സംഗമം അന്തിമ രൂപം നല്‍കും. രാവിലെ ഒന്‍പതു മുതല്‍ വൈകിട്ട് അഞ്ചു വരെയാണ് ക്യാംപ് നടക്കുക. രണ്ടായിരത്തോളം പ്രതിനിധികള്‍ സംബന്ധിക്കും.
ചേളാരി സമസ്താലയത്തില്‍ ചേര്‍ന്ന യോഗത്തില്‍ കെ.കെ.എസ് തങ്ങള്‍ അധ്യക്ഷനായി. എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്തു. കെ.പി.പി തങ്ങള്‍ കണ്ണൂര്‍, കെ. മോയിന്‍കുട്ടി മാസ്റ്റര്‍, ഡോ. എന്‍.എ.എം അബ്ദുല്‍ഖാദിര്‍, കെ.പി കോയ, കൊടക് അബ്ദുറഹ്മാന്‍ മുസ്‌ലിയാര്‍, സാദാ ലിയാഖത്തലിഖാന്‍ പാലക്കാട്, സിയാദ് ചെമ്പറക്കി എറണാകുളം, എ.കെ.കെ മരക്കാര്‍ പൊന്നാനി, എന്‍.ടി.സി മജീദ് മലപ്പുറം, ഷെരിഫ് കോട്ടയം, റഫീഖ് ഹാജി മംഗലാപുരം, എം. മുഹമ്മദ് ബഷീര്‍ വയനാട്, കുഞ്ഞുമുഹമ്മദ് ഹാജി കാസര്‍കോട്, മുഹമ്മദ്ബ്‌നു ആദം കണ്ണൂര്‍, അലി ഉപ്പട്ടി നീലഗിരി, ജഅ്ഫര്‍ താനൂര്‍, എന്‍.ടി.എം കുട്ടി ഇരുമ്പിളിയം, കെ.വി ബീരാന്‍ മാസ്റ്റര്‍ പൈങ്കണ്ണിയൂര്‍, എ.ടി.എം കുട്ടി ഉള്ളണം എന്നിവര്‍ പ്രസംഗിച്ചു. ജന. സെക്രട്ടറി കെ.എം അബ്ദുല്ല മാസ്റ്റര്‍ സ്വാഗതവും കെ.എം കുട്ടി എടക്കുളം നന്ദിയും പറഞ്ഞു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."