വെസ്റ്റ് ബാങ്ക്: അധിനിവേശ വെസ്റ്റ് ബാങ്കിലെ നാബ്ലസ് ജില്ലയില്‍ ഇസ്‌റാഈല്‍ അധിനിവേശക്കാരന്‍ ഫലസ്തീന്‍ കര്‍ഷകനെ വെടിവച്ചു കൊന്നു. മഹ്മൂദ് ഊദ എന്ന 47 കാരനെയാണ് സ്വന്തം കൃഷിസ്ഥലത്തു വച്ച് ഇസ്‌റാഈലി വെടിവച്ചു കൊന്നത്.

സംഭവസ്ഥലത്തു തന്നെ ഇയാള്‍ മരിച്ചു. പ്രദേശത്തെ വലിയ കര്‍ഷകനാണ് കൊല്ലപ്പെട്ടത്. ഈ ദേശത്തെ മുഴുവന്‍ ആളുകളെയും തീറ്റിക്കുന്നതിനു വേണ്ട ധാന്യങ്ങള്‍ കൃഷി ചെയ്തിരുന്നത് മഹ്മൂദ് ആണെന്ന് ഖുസ്‌റ വില്ലേജ് കൗണ്‍സില്‍ നേതാവ് അബ്ദുല്‍ അതീം പറഞ്ഞു.

ഖുസ്‌റ ഗ്രാമത്തിന്റെ ഒരു ഭാഗം കയ്യേറി ഇസ്‌റാഈലികള്‍ വ്യാപകമായി കെട്ടിടങ്ങള്‍ പണിതിട്ടുണ്ട്. ഗ്രാമത്തിന്റെ വടക്കുകിഴക്കും തെക്കന്‍ ഭാഗവുമാണ് കയ്യേറിയത്. കഴിഞ്ഞ പതിറ്റാണ്ടിനിടെ മൂന്ന് അധിക ഔട്ട്‌പോസ്റ്റുകളും ഇസ്‌റാഈല്‍ പണിതിട്ടുണ്ട്.