ഗുജറാത്ത്: ഉദ്യോഗസ്ഥരെ ഭയപ്പെടുത്തി അനുസരിപ്പിച്ചാണ് മോദി ഗുജറാത്ത് ഭരിച്ചതെന്ന് മുന്‍ ഐ.പി.എസ് ഓഫിസര്‍ സഞ്ജീവ് ഭട്ട്. വ്യാജ ഏറ്റുമുട്ടല്‍ കൊലപാതകത്തിലടക്കം ആരോപണവിധേയരായവര്‍ക്ക് ഉന്നത സ്ഥാനങ്ങള്‍ നല്‍കിയെന്നാണ് ആരോപണം.

ഈ തെരഞ്ഞെടുപ്പില്‍ കോണ്‍ഗ്രസിന് വിജയസാധ്യതയുണ്ടെന്നും സഞ്ജീവ് ഭട്ട് ഒരു സ്വകാര്യ ചാനലിന് നല്‍കിയ അഭിമുഖത്തില്‍ പറഞ്ഞു. ഗുജറാത്ത്് മോഡല്‍ അസഹിഷ്ണുതയുടേതാണ്. എതിര്‍ക്കുന്നവരെ ശിക്ഷിക്കുന്നതാണ് ഗുജറാത്തില്‍ കാണാന്‍ സാധിക്കുക. അനുകൂലിക്കുന്നവര്‍ വ്യാജ ഏറ്റുമുട്ടല്‍ പ്രതികളായാല്‍പോലും സംരക്ഷിക്കപ്പെടും.

മോദി ആളുകളെ മയക്കി നിര്‍ത്തുകയാണെന്നും, പൊലിസ് ഉദ്യോഗസ്ഥര്‍ക്ക് സ്വാതന്ത്ര്യത്തോടെ ജോലിചെയ്യാന്‍ സാധിക്കില്ലെന്നും സഞ്ജീവ് ഭട്ട് ആരോപിക്കുന്നു.

2002 ഗുജറാത്ത് കലാപത്തില്‍ മോദിക്ക് പങ്കുണ്ടെന്ന് സുപ്രിം കോടതിയില്‍ സത്യവാങ്മൂലം നല്‍കിയ ഐ.പി.എസ് ഉദ്യോഗസ്ഥനാണ് സഞ്ജീവ് ഭട്ട്.