ന്യൂഡല്‍ഹി: ശ്രീലങ്കയ്‌ക്കെതിരായ ടി20 ക്രിക്കറ്റ് പരമ്പരയ്ക്കുള്ള ഇന്ത്യന്‍ ടീമില്‍ മലയാളി താരം ബേസില്‍ തമ്പി ഇടംപിടിച്ചു. കേരളത്തിന് വേണ്ടി സീസണില്‍ മികച്ച പ്രകടനം നടത്തിയാണ് ബേസിലിന് ഗുണകരമായത്. ഇന്ത്യന്‍ ടീമിലെത്തുന്ന മൂന്നാമത്തെ കേരളാ പേസറാണ് ബേസില്‍ തമ്പി. നേരത്തെ ഐ.പി.എല്ലില്‍ എമര്‍ജിങ് പ്ലെയര്‍ക്കുള്ള പുരസ്‌കാരം ബേസില്‍ സ്വന്തമാക്കിയിരുന്നു.
അതേസമയം തമിഴ്‌നാട് ഓള്‍റൗണ്ടര്‍ വാഷിങ്ടണ്‍ സുന്ദര്‍, ബറോഡ താരം ദീപക് ഹൂഡ എന്നിവരും ആദ്യമായി ടീമില്‍ ഇടംപിടിച്ചു. നിലവിലെ ക്യാപ്റ്റന്‍ വിരാട് കോഹ്‌ലിക്ക് വിശ്രമം അനുവദിച്ചിട്ടുണ്ട്. രോഹിത് ശര്‍മയാണ് ടി20 മത്സരങ്ങളില്‍ ഇന്ത്യയെ നയിക്കുക. ജയ്‌ദേവ് ഉനദ്കട്ടിനെ തിരിച്ചുവിളിച്ചിട്ടുണ്ട്.
ടീം: രോഹിത് ശര്‍മ(ക്യാപ്റ്റന്‍),ലോകേഷ് രാഹുല്‍, ശ്രേയസ് അയ്യര്‍, മനീഷ് പാണ്ഡെ, ദിനേഷ് കാര്‍ത്തിക, മഹേന്ദ്ര സിങ് ധോണി, ഹര്‍ദിക് പാണ്ഡ്യ, വാഷിങ്ടണ്‍ സുന്ദര്‍, യുസ്‌വേന്ദ്ര ചഹല്‍, കുല്‍ദീപ് യാദവ്, ദീപക് ഹൂഡ, ജസ്പ്രീത് ബുമ്‌റ, മുഹമ്മദ് സിറാജ്, ബേസില്‍ തമ്പി, ജയ്‌ദേവ് ഉനദ്കട്ട്.