ദോഹ: ഖത്തര്‍ യൂത്ത് സെന്റര്‍ സംഘടിപ്പിച്ച ഫോട്ടോഗ്രാഫി മത്സരത്തില്‍ ഒന്നാം സ്ഥാനം മലയാളി ഫോട്ടോഗ്രാഫര്‍ക്ക്. അല്‍ വതന്‍ അറബിക്ക് ദിനപത്രത്തിലെ ഫോട്ടോഗ്രാഫര്‍ അബ്ബാസ് തിരുവത്രയാണ് അയ്യായിരം റിയാലും പ്രശംസി പത്രവും അടങ്ങുന്ന പുരസ്‌ക്കാരത്തിന് അര്‍ഹനായത്.
അമീര്‍ ശൈഖ് തമീം ബിന്‍ അഹമദ് ആല്‍താനിയുടെ ചരിത്രപ്രസിദ്ധമായ യു എന്‍ പ്രസംഗത്തോടനുബന്ധിച്ച് അദ്ദേഹത്തിന് ഖത്തര്‍ നല്കിയ സ്വീകരണവുമായി ബന്ധപ്പെട്ടാണ് ഫോട്ടോഗ്രാഫി മത്സരം സംഘടിപ്പിച്ചത്. അമീറിന്റെ ഛായാചിത്രം കൈയ്യിലേന്തി അഭിമാനത്തോടെ നടന്നു പോകുന്നത് പകര്‍ത്തിയാണ് അബ്ബാസ് തിരുവത്ര പുരസ്‌ക്കാരത്തിന് അര്‍ഹനായത്. തൃശൂര്‍ തിരുവത്ര സ്വദേശിയാണ്.