തേഞ്ഞിപ്പലം: ജില്ലാ സ്‌കൂള്‍ കലോത്സവ നഗരിയില്‍ പൊലിസിനെ സഹായിക്കാന്‍ ഗതാഗത നിയന്ത്രണമേറ്റടുത്ത് കുട്ടി പൊലിസ്. എന്‍.എന്‍.എം.എച്ച്.എസ്.എസ് ചേലേമ്പ്ര, സി.ബി.എച്ച്.എസ്.എസ് വള്ളിക്കുന്ന് എന്നീ സ്‌കൂളുകളില്‍ നിന്നെത്തിയ പ്രത്യേകം പരിശീലനം ലഭിച്ച എസ്.പി.സി കാഡറ്റുകളാണ് കലോത്സവ നഗരിയില്‍ ഗതാഗത നിയന്ത്രണത്തിനായി പൊലിസിനെ സഹായിക്കാനെത്തിയത്.
കാലിക്കറ്റ് സര്‍വകലാശാലാ സിന്തറ്റിക് ട്രാക്കില്‍ നടന്ന സംസ്ഥാന കായികോത്സവത്തിനുള്‍പ്പെടെ നിരവധി വേദികളിലും പൊതുപ്രവര്‍ത്തന രംഗത്തും മികച്ച സേവനം കാഴ്ചവച്ച് ജന ശ്രദ്ധ നേടിയ കാഡറ്റുകളാണ് ജില്ലാ കലോത്സവ നഗരിയിലും സേവനത്തിനെത്തിയത്.