പാരിസ്: ഫ്രാന്‍സ് ഫുട്‌ബോളിന്റെ മികച്ച ഫുട്‌ബോള്‍ താരത്തിനുള്ള ബാലന്‍ദ്യോര്‍ പുരസ്‌കാരം ക്രിസ്റ്റ്യാനൊ റൊണാള്‍ഡോക്ക്. കരിയറിലെ അഞ്ചാം തവണയാണ് ബാലന്‍ദ്യോര്‍ പുരസ്‌കാരം ക്രിസ്റ്റ്യാനൊയെ തേടിയെത്തുന്നത്. ഇതോടെ ഈ നേട്ടത്തില്‍ ലയണല്‍ മെസ്സിക്കൊപ്പമെത്തി ഈ പോര്‍ച്ചുഗീസ് താരം.

റയല്‍ മാഡ്രിഡിന് വേണ്ടി ലാ ലിഗയിലും ചാമ്പ്യന്‍സ് ലീഗിലും പുറത്തെടുത്ത പ്രകടനമാണ് മെസ്സിയും നെയ്മറുമടക്കമുള്ള സൂപ്പര്‍ താരങ്ങളെ പിന്തള്ളി ക്രിസ്റ്റ്യാനൊയെ പുരസ്‌കാരത്തിന് അര്‍ഹനാക്കിയത്. 946 പോയിന്റാണ് അദ്ദേഹഹത്തിന് ലഭിച്ചത്. മെസ്സിക്ക് 670ഉം നെയ്മറിന് 361ഉം പോയിന്റാണ് ലഭിച്ചത്.

2008,2013,2014,2016 വര്‍ഷങ്ങളിലാണ് ഇതിന് മുമ്പ് ക്രിസ്റ്റ്യാനൊ ബാലന്‍ദ്യോര്‍ പുരസ്‌കാരം നേടിയത്.