ഗുവാഹത്തി: നോര്‍ത്ത്ഈസ്റ്റ് യുനൈറ്റഡിനെ അവരുടെ തട്ടകത്തില്‍ വീഴ്ത്തി ബംഗളൂരു എഫ്.സി ഐ.എസ്.എല്ലിലെ മൂന്നാം വിജയം സ്വന്തമാക്കി. മറുപടിയില്ലാത്ത ഒറ്റ ഗോളിനാണ് ബംഗളൂരുവിന്റെ വിജയം. നാല് കളികളില്‍ മൂന്നാം വിജയം സ്വന്തമാക്കിയ ബംഗളൂരു ഒന്‍പത് പോയിന്റുമായി പട്ടികയില്‍ ഒന്നാം സ്ഥാനത്തേക്ക് കയറി. നോര്‍ത്ത്ഈസ്റ്റ് നാല് കളികളില്‍ നേരിടുന്ന മൂന്നാം തോല്‍വിയാണിത്. ഒന്‍പത് പോയിന്റുള്ള ചെന്നൈയിന്‍ എഫ്.സി രണ്ടാം സ്ഥാനത്ത്. ഗോള്‍ ശരാശരിയിലാണ് ബംഗളൂരുവിന്റെ ഒന്നാം സ്ഥാനം.
ആദ്യ പകുതി ഗോള്‍രഹിതമായപ്പോള്‍ കളിയുടെ 47ാം മിനുട്ടില്‍ നിക്കോളാസ് ഫെഡെര്‍ നേടിയ ഗോളിലാണ് ബംഗളൂരു വിജയം പിടിച്ചത്.