കാസര്‍കോട്: തഹ്‌രീകെ ഉര്‍ദു കേരള സംസ്ഥാനത്തെ പ്രൈമറി സ്‌കൂളില്‍ ഉര്‍ദു പഠിക്കുന്ന വിദ്യാര്‍ഥികള്‍ക്ക് സ്‌കോളര്‍ഷിപ്പ് നല്‍കുന്നു.
ഇതിനായി ഈ മാസം വിവിധ ജില്ലകളില്‍ മത്സര പരീക്ഷ നടത്തും.
23ന് കാസര്‍കോട് ടൗണ്‍, കണ്ണൂര്‍ സിറ്റി, വയനാട് പനമരം, കോഴിക്കോട് പൂനൂര്‍, തൃശൂര്‍ പുത്തന്‍ചിറ, പാലക്കാട് മണ്ണാര്‍ക്കാട്, കൊല്ലം ആയുര്‍ എന്നിവിടങ്ങളിലും 26 ന് മലപ്പുറം കോട്ടപ്പടിയിലുമാണ് പരീക്ഷ നടത്തുക. ഇതിന് ആവശ്യമായ തുക ഭാഷാസ്‌നേഹികളില്‍ നിന്ന് കണ്ടെത്തും.
യോഗ്യരായ വിദ്യാര്‍ഥികളെ കണ്ടെത്തി സ്‌കോളര്‍ഷിപ്പ് നല്‍കാന്‍ തഹ്‌രീകേ ഉര്‍ദു കേരള സംസ്ഥാന പ്രസിഡന്റ് പി.കെ.സി. മുഹമ്മദിന്റെ അധ്യക്ഷതയില്‍ ചേര്‍ന്ന യോഗം തീരുമാനിച്ചു.
ജന. സെക്രട്ടറി മുഹമ്മദ് അസീം മണിമുണ്ട റിപ്പോര്‍ട്ട് അവതരിപ്പിച്ചു. അബ്ദുസ്സലാം മലയമ്മ, ടി.അസീസ് കാസര്‍കോട്, സത്താര്‍ മലപ്പുറം, എം. മോഹനന്‍ കണ്ണൂര്‍, അമീര്‍ കോടിബയല്‍, ഇഖ്ബാല്‍ അംബാര്‍, കെ.മുഹമ്മദ് യാസിന്‍, എം.പി.സലീം സംസാരിച്ചു.