ന്യൂഡല്‍ഹി: 2019ലെ ലോക് സഭാ തെരഞ്ഞെടുപ്പില്‍ മോദിക്കും രാഹുലിനും ഉള്ളതുപോലെ നിര്‍ണായ സ്വാധീനതയിലേക്ക് ഉയരാന്‍ പട്ടീദാര്‍ അനാമത് ആന്ദോളന്‍ നേതാവ് ഹാര്‍ദിക് പട്ടേലും. ഗുജറാത്ത് തെരഞ്ഞെടുപ്പ് അദ്ദേഹത്തിന്റെ രാഷ്ട്രീയ പ്രവേശനത്തിന്റെ തുടക്കമാണെങ്കിലും അടുത്ത പൊതു തെരഞ്ഞെടുപ്പില്‍ ശക്തമായ സ്വാധീനമാകാനുള്ള ശ്രമത്തിലാണ് അദ്ദേഹം. അതേസമയം ഗുജറാത്തില്‍ കോണ്‍ഗ്രസ് അധികാരത്തില്‍ വരികയും സംവരണ കാര്യത്തില്‍ തീരുമാനമാവുകയും ചെയ്താല്‍ പൊതു തെരഞ്ഞെടുപ്പിന് മുന്‍പ് ഹാര്‍ദിക് കോണ്‍ഗ്രസില്‍ ചേര്‍ന്നേക്കുമെന്ന കാര്യത്തില്‍ ഏറെക്കുറെ ഉറപ്പായിട്ടുണ്ടെന്നാണ് വിവരം.