മാള: എസ്.വൈ.എസ് മാള മേഖല കമ്മിറ്റിയുടെ ആഭിമുഖ്യത്തില്‍ ഹജ്ജ് യാത്രയയപ്പും അവാര്‍ഡ് ദാനവും മാള വ്യാപാര ഭവനില്‍ നടന്നു. ബഷീര്‍ അലി ശിഹാബ് തങ്ങള്‍ ഉദ്ഘാടനം ചെയ്തു. മേഖല പ്രസിഡന്റ് ടി.ഐ അബ്ദുല്‍കരീം അധ്യക്ഷനായി. എസ്.എസ്.എല്‍.സി, പ്ലസ്ടു , മദ്‌റസ പൊതുപരീക്ഷ എന്നിവയില്‍ ഉന്നത വിജയം നേടിയ വിദ്യാര്‍ഥികള്‍ക്ക് കെ.പി സൈനുദ്ധീന്‍ ഫൈസി അവാര്‍ഡ് നല്‍കി.ജസീര്‍ ദാരിമി മുഖ്യപ്രഭാഷണം നടത്തി.വര്‍ഗ്ഗീസ് കാച്ചപ്പിള്ളി,എ.എ അഷറഫ് കോയ ബാഖവി, ഹുസൈന്‍ ബാഖവി,റഫീഖ് ഫൈസി,മുസമ്മില്‍ റഹ്മാനി അന്‍വര്‍ മാമ്പ്ര, എ.കെ സ്വാദിഖ് എന്നിവര്‍ സംസാരിച്ചു.