ന്യൂഡല്‍ഹി: ഗുജറാത്തില്‍ കോണ്‍ഗ്രസ് നേതാവ് അഹമ്മദ് പട്ടേലിനെ മുഖ്യമന്ത്രിയാക്കാന്‍ പാകിസ്താന്‍ ഗൂഢാലോചന നടത്തുന്നുവെന്ന പ്രധാനമന്ത്രി മോദിയുടെ ആരോപണം അദ്ദേഹത്തിനുതന്നെ വിനയാകുന്നു.
തെരഞ്ഞെടുപ്പ് സമാപനത്തിന് റോഡ് ഷോക്ക് പൊലിസ് അനുമതി നിഷേധിച്ചതിനെ തുടര്‍ന്ന് അദ്ദേഹം യാത്ര ചെയ്ത ജലവിമാനം വന്നത് പാകിസ്താനിലെ കറാച്ചിയില്‍ നിന്നാണെന്ന് വാര്‍ത്ത വന്നതോടെയാണ് മോദി, കോണ്‍ഗ്രസിനെതിരേ ഉന്നയിച്ച ആരോപണം അദ്ദേഹത്തിനുതന്നെ തിരിച്ചടിയായത്.
യു.കെ ഫ്‌ളൈറ്റ് എവയര്‍.കോം വെബ്‌സൈറ്റില്‍ വിമാനം ഈ മാസം 3ന് കറാച്ചിയില്‍ എത്തിയിരുന്നുവെന്ന് വ്യക്തമാക്കുന്നുണ്ട്. തുടര്‍ന്ന് മുംബൈയില്‍ എത്തിയ വിമാനം തിങ്കളാഴ്ചയാണ് അഹമ്മദാബാദില്‍ എത്തിയത്.
അമേരിക്കന്‍ രജിസ്‌ട്രേഷനുള്ള ജലവിമാനം സ്വകാര്യ ഉടമസ്ഥതയിലുള്ളതാണ്.