ന്യൂഡല്‍ഹി: അന്താരാഷ്ട്ര ഹോക്കി ഫെഡറേഷന്‍ തലവന്‍ നരിന്ദര്‍ ബത്ര ഇന്ത്യന്‍ ഒളിംപിക് അസോസിയേഷന്‍ പ്രസിഡന്റ്. നാരായണ രാമചന്ദ്രന്റെ കാലവധി കഴിഞ്ഞതിനെ തുടര്‍ന്നാണ് പുതിയ പ്രസിഡന്റിനെ തെരഞ്ഞെടുത്തത്. നിലവിലെ ജനറല്‍ സെക്രട്ടറി രാജീവ് മെഹ്ത സ്ഥാനത്തേക്ക് വീണ്ടും തെരഞ്ഞെടുക്കപ്പെട്ടു. പ്രസിഡന്റ് സ്ഥാനത്തേക്ക് ഓള്‍ ഇന്ത്യ ടെന്നീസ് അസോസിയേഷന്‍ തലവന്‍ അനില്‍ ഖന്ന രംഗത്തുണ്ടായിരുന്നെങ്കിലും അവസാന നിമിഷം നാമനിര്‍ദേശ പത്രിക പിന്‍വലിച്ചതിനെ തുടര്‍ന്ന് ബത്രയെ അധ്യക്ഷനായി വാര്‍ഷിക യോഗം ചേര്‍ന്ന് അവരോധിക്കുകയായിരുന്നു. നാല് വര്‍ഷത്തേക്കാണ് പുതിയ തലവന്‍മാരുടെ നിയമനം.