കൊച്ചി: ഓഖി ചുഴലിക്കാറ്റിനെ തുടര്‍ന്ന് കടലില്‍ അകപ്പെട്ട 210 മത്സ്യത്തൊഴിലാളികള്‍ ഇന്നലെ കൊച്ചിയില്‍ തിരിച്ചെത്തി. ഇതോടെ ആകെ തിരിച്ചെത്തിയവരുടെ എണ്ണം 2737 ആയി. 19 ബോട്ടുകളാണ് ഇന്നലെ തിരിച്ചെത്തിയത്. ഇതോടെ ആകെ 251 ബോട്ടുകള്‍ തിരിച്ചെത്തി. കൊച്ചിയില്‍നിന്നു പോയ 14 ബോട്ടുകള്‍ ഇനി തിരിച്ചെത്താനുണ്ട്. ഇതുവരെ ജില്ലയില്‍ കണ്ടെത്തിയ ഒന്‍പത് മൃതദേഹങ്ങളില്‍ ആകെ മൂന്നെണ്ണം തിരിച്ചറിഞ്ഞു. ഇന്നലെ ഒരു മൃതദേഹം തിരിച്ചറിഞ്ഞു. തൃപ്പൂണിത്തുറ ഗവ. ആശുപത്രിയില്‍ സൂക്ഷിച്ചിരുന്ന തിരുവനന്തപുരം ലോവു കോളനി, 471065, പോള്‍പാസില്‍ സെല്‍വരാജ് (38) ന്റെ മൃതദേഹമാണ് തിരിച്ചറിഞ്ഞത്. ബാക്കിയുള്ള ആറ് മൃതദേഹങ്ങള്‍ എറണാകുളം ജനറല്‍ ആശുപത്രിയിലും തൃപ്പൂണിത്തുറ ഗവ. ആശുപത്രിയിലും ആലുവ ഗവ. ആശുപത്രിയിലും സൂക്ഷിച്ചിരിക്കുകയാണ്.