മ്യൂണിക്ക്: ബയേണ്‍ മ്യൂണിക്ക് എതിരില്ലാതെ മുന്നേറ്റം തുടരുന്നു. എവേ പോരാട്ടത്തില്‍ അവര്‍ 1-0ത്തിന് സ്റ്റുട്ട്ഗര്‍ടിനെ വീഴ്ത്തി. 79ാം മിനുട്ടില്‍ തോമസ് മുള്ളറാണ് വല കുലുക്കിയത്. ഷാല്‍കെ- ഫ്രാങ്ക്ഫര്‍ട്, മെയ്ന്‍സ്- വെര്‍ഡര്‍ ബ്രെമന്‍ പോരാട്ടങ്ങള്‍ 2-2നും ഓഗ്‌സ്ബര്‍ഗ്- ഫ്രീബര്‍ഗ് മത്സരം 3-3നും സമനില. കൊളോണ്‍ 1-0ത്തിന് വോള്‍വ്‌സ്ബര്‍ഗിനേയും മോണ്‍ചെന്‍ഗ്ലെഡ്ബാച് 3-1ന് ഹാംബര്‍ഗറിനേയും കീഴടക്കി. സീസണില്‍ കൊളോണ്‍ നേടുന്ന ആദ്യ ബുണ്ടസ് ലീഗ വിജയമാണിത്.