സിഡ്‌നി: മിസൈല്‍ സാങ്കേതികവിദ്യ വില്‍ക്കാനുള്ള ശ്രമത്തിനിടെ ഉത്തര കൊറിയന്‍ ഏജന്റ് ആസ്‌ത്രേലിയയില്‍ അറസ്റ്റില്‍.
കൊറിയന്‍ വംശജന്‍ കൂടിയായ ചാന്‍ ഹായി ചോയി എന്ന ആസ്‌ത്രേലിയക്കാരനാണ് കോടിക്കണക്കിനു രൂപയുടെ ഇടപാടിനു ശ്രമിക്കുന്നതിനിടെ സിഡ്‌നിയില്‍ ആസ്‌ത്രേലിയന്‍ ഫെഡറല്‍ പൊലിസിന്റെ പിടിയിലായത്.
ബാലിസ്റ്റിക് മിസൈല്‍ നിര്‍മാണ യൂനിറ്റ്, അനുബന്ധ സാമഗ്രികള്‍, സാങ്കേതികവിദ്യ തുടങ്ങിയവയാണ് ഇയാള്‍ വില്‍പനയ്ക്കു ശ്രമിച്ചത്. ആര്‍ക്കാണ് ഇയാള്‍ വില്‍ക്കുന്നതെന്ന കാര്യം വ്യക്തമായിട്ടില്ല.