ഫാറൂഖ് കോളജ്: വിദ്യാര്‍ഥി യൂനിയന്റെ നേതൃത്വത്തില്‍ ഫാറൂഖ് കോളജില്‍ മീഡിയാ ഫെസ്റ്റ് തുടങ്ങി. കേരളാ പത്രപ്രവര്‍ത്തക യൂനിയന്‍ സംസ്ഥാന പ്രസിഡന്റ് കമാല്‍ വരദൂര്‍ ഉദ്ഘാടനം ചെയ്തു. യൂനിയന്‍ ചെയര്‍പേഴ്‌സണ്‍ മിനാ ഫര്‍സാന അധ്യക്ഷത വഹിച്ചു. ഡോ. ഇ സാജിദ് ആശംസ അറിയിച്ചു. യൂനിയന്‍ ജനറല്‍ സെക്രട്ടറി ഷംസീര്‍ സ്വാഗതം പറഞ്ഞു. ശേഷം നടന്ന സെഷനുകളില്‍ പി.ടി നാസര്‍, അഡ്വ. എ ജയശങ്കര്‍ എന്നിവര്‍ സംസാരിച്ചു.

 

ഫെസ്റ്റിന്റെ രണ്ടാം ദിനമായ ചൊവ്വാഴ്ച, ഫാസിസം മാധ്യമങ്ങളെ വിഴുങ്ങുമ്പോള്‍ എന്ന വിഷയത്തില്‍ എന്‍.പി ചേക്കുട്ടിയും മാധ്യമങ്ങളിലെ സ്ത്രീ എന്ന വിഷയത്തില്‍ റെജി ആര്‍ നായരും റേഡിയോ മലയാളിയുടെ ഗൃഹാതുരത്വം എന്ന സെഷനില്‍ എം.വി സക്കറിയ, ഹക്കീം കൂട്ടായി എന്നിവരും സംവദിക്കും. ഫെസ്റ്റിന്റെ ഭാഗമായി കോളജ് തല മത്സരങ്ങളും നടക്കുന്നുണ്ട്.

[caption id="attachment_464472" align="aligncenter" width="630"] പി.ടി നാസർ സംസാരിക്കുന്നു[/caption] [caption id="attachment_464471" align="aligncenter" width="630"] അഡ്വ. എ ജയശങ്കർ സംസാരിക്കുന്നു[/caption]

---