മാഡ്രിഡ്: സ്പാനിഷ് ലാ ലിഗയിലെ അപരാജിത മുന്നേറ്റം ബാഴ്‌സലോണ തുടരുന്നു. സ്വന്തം തട്ടകത്തില്‍ നടന്ന പോരാട്ടത്തില്‍ അവര്‍ മറുപടിയില്ലാത്ത നാല് ഗോളുകള്‍ക്ക് ഡിപോര്‍ടീവോ ലാ കൊരുണയെ തകര്‍ത്ത് മറ്റൊരു വിജയം സ്വന്തമാക്കി. 16 മത്സരങ്ങള്‍ പൂര്‍ത്തിയായപ്പോള്‍ 42 പോയിന്റുമായി അവര്‍ ഒന്നാം സ്ഥാനത്ത്. ഇത്രയും മത്സരങ്ങളില്‍ നിന്ന് 36 പോയിന്റുമായി അത്‌ലറ്റിക്കോ മാഡ്രിഡ് രണ്ടാം സ്ഥാനത്ത് നില്‍ക്കുന്നു. അത്‌ലറ്റിക്കോയും അപരാജിതരായാണ് നിലകൊള്ളുന്നത്. 34 പോയിന്റുമായി വലന്‍സിയ മൂന്നാമതും 15 മത്സരങ്ങളില്‍ നിന്ന് 31 പോയിന്റുമായി നിലവിലെ ചാംപ്യന്‍മാരായ റയല്‍ മാഡ്രിഡ് നാലാമതും നില്‍ക്കുന്നു.
മെസ്സി പെനാല്‍റ്റി നഷ്ടപ്പെടുത്തിയെങ്കിലും ഇരു പകുതികളിലായി രണ്ട് ഗോളുകള്‍ നേടിയാണ് ഡിപോര്‍ടീവോക്കെതിരേ ബാഴ്‌സയുടെ വിജയം. പൗലീഞ്ഞോയും ലൂയീസ് സുവാരസും ഇരട്ട ഗോളുകള്‍ നേടിയാണ് ബാഴ്‌സയ്ക്ക് നൗ കാംപില്‍ മിന്നും ജയമൊരുക്കിയത്.